Dijeta sa jajima spada u oprobane načine da se za kratko vrijeme oslobodite viška kilograma. Postoji nekoliko verzija, a za vas smo izdvojili najumjereniju koja se bazira na smanjenom unosu ugljenih hidrata.
Ova dijeta ima nekoliko varijanti, a najrigoroznija promoviše samo da jedete tvrdo kuhana jaja i pijete mineralnu vodu, navodi portal Žena.blic.
Da biste izbjegli monotoniju koja često razlog neuspjeha dijete možete na meni da uvrstite još neke namirnice. Zapravo, preporučena hrana su, osim jaja, “mršavo” meso (piletina, ćuretina, riba), voće, povrće sa malo ugljenih hidrata, biljni čajevi bez šećera i voda. Značajno je smanjen unos ugljenih hidrata, a hljeb, tjestenina i krompir su strogo zabranjeni.
Za tri mjeseca pridržavanja ovog režima ishrane možete oslabiti i do 30 kilograma. Jedan od najčuvenijih promotera ove dijete je holivudski glumac Adrian Brodi koji je izgubio 15 kilograma pripremajući se za ulogu u filmu “Pijanista”. Njegova verzija ove dijete bila je sljedeća: on je jaja jeo za doručak, manje parče grilovane piletine za ručak i parče ribe sa parenim povrćem za večeru.
